ब्रसेल्स(बेल्जियम), ७ आषाढ । जनसम्पर्क समिति बेल्जियमले हालै एक कार्यक्रमको आयोजना गरी गैरआवासीय नेपाली संघको नवनिर्वाचित कार्य समितिमा बेल्जियमबाट निर्वाचित हुनुभएका पदाधिकारीहरुको सम्मान गरेको छ ।
सर्वोच्च अदालतको आदेश अनुसार गत मे ३ देखि ५ तारिखसम्म नेपालको संघीय राजधानी काठमाडौंमा गैर-आवासीय नेपाली संघको एकता अधिवेशन सम्पन्न भएको थियो । अधिवेशनले जनसम्पर्क समिति बेल्जियमका पूर्व सभापति गंगाधर गौतमलाई प्रवक्तामा र यूरोप संयोजकमा जनसम्पर्क समिति बेल्जियमका पूर्वउपसभापति प्रेम गुरुङलाई निर्वाचित गरेको थियो । जनसम्पर्क समिति बेल्जियमले बेल्जियमबाट प्रवक्तामा निर्वाचित गौतम र यूरोप संयोजकमा निर्वाचत गुरुड.लाई बधाई ज्ञापन गर्दै नवनिर्वाचित कार्यसमितिको सफल कार्यकालको शुभकामना दिएको थियो ।
कार्यक्रम नेपाली जनसम्पर्क समिति,बेल्जियमका सभापति सुभाष गुरुड.को सभापतित्वमा भएको थियो ।
