सानेपा(ललितपुर), २ जेठ । नेपाली कांग्रेसका सभापति शेरबहादुर देउवाले पार्टीको राज्य प्रशासन विभागमा १० जना सदस्य मनोनयन गर्नुभएको छ ।
नेपाली कांग्रेसका मुख्य सचिव एवम् राष्ट्रिय सभाका सदस्य कृष्णप्रसाद पौडेलले दिनुभएको जानकारी अनुसार सभापति देउवाले नेपाली कांग्रेसको विधान, २०१७ (संशोधन सहित) को धारा २५ (९) बमोजिम पार्टीका केन्द्रीय सदस्य गोविन्द भट्टराई प्रमुख रहनु भएको नेपाली कांग्रेस राज्य प्रशासन विभागको सदस्यमा १० जनालाई मनोनयन गर्नु भएको हो ।
मनोनयन हुनु भएका सदस्यहरूमा विजयराज आचार्य (कास्की), डिल्लीप्रसाद शिवाकोटी (भक्तपुर, गोपालप्रसाद पोख्रेल (सुनसरी), अर्जुन साह (सप्तरी),थम्मनबहादुर खत्री (गुल्मी), रामबहादुर रोकाह (डोटी), मक्करबहादुर रावल (मुगु), गीता देवकोटा (चितवन), द्रोपदी वली (बाँके) र तीर्थराज खनाल (झापा) हुुनुहन्छ ।
