काठमाडौँ, ९ पौष । नेपाली कांग्रेसको केन्द्रीय कार्यसम्पादन समितिको बैठक आज बस्ने भएको छ । बैठक केन्द्रीय कार्यालय सानेपामा दिउँसो १ बजे बैठक बस्ने पार्टी मुख्यसचिव कृष्ण प्रसाद पौडेलले जानकारी दिनुभएको छ।
बैठकमा केन्द्रीय कार्यसम्पादन समितिका पदाधिकारी एवं सदस्यहरूलाई उपस्थितिका लागि अनुरोध गरिएको छ । बैठकमा समसामयिक राजनीतिक विषयमा छलफल हुने बताइएको छ ।
देशको समसामयिक राजनीतिमा आसन्न राष्ट्रिय सभाको निर्वाचनमा पार्टीको उम्मेद्वार चयन, असंवैधानिक रुपमा विघटित प्रतिनिधिसभाको पुनस्थापनाका लागि पार्टीका तर्फबाट पेश भएको पूरक रिट दिने कदमको अनुमोदन, पार्टीको १५ औं महाधिवेशन तयारीको समीक्षा, क्रियाशील सदस्यता विवाद निरुपणका विषयहरु रहेका छन् ।
