सानेपा(ललितपुर), १० मंसिर । नेपाली जनसम्पर्क समिति समन्वय विभागका प्रमुख एवम् नेपाली कांग्रेसका केन्द्रीय सदस्य किरणराज शर्मा पौडेलले विभागका सदस्यहरुलाई उपनिर्वाचनमा खटाउनुभएको छ ।
उहाँले हिजो मात्र सदस्यहरुलाई स्थानीय तह तोकेर त्यहाँको उपनिर्वाचनमा सरिक भएर नेपाली कांग्रेसका उम्मेदवारलाई विजयी गराउन सम्पूर्ण रुपले खट्न निर्देशन दिनुभएको छ ।
विभाग प्रमुख पौडेलले निर्वाचन पछि संबन्धित स्थानीय तहको उपनिर्वाचनमा सुम्पिएको जिम्मेवारी पूरा गरेर निर्वाचन सम्पन्न भएपछि प्रतिवेदन तयार पारी विभागमा बुझाउन पनि कार्यादेश दिनुभएको छ ।
विभिन्न कारणले रिक्त भएको नेपालका स्थानीय तहका विभिन्न पदहरुमा यही मंसिर १६ गते उपनिर्वाचन हुँदैछ ।
विभाग प्रमुख पौडेल भने नुवाकोटको ककनी गाउँपालिकाको वडा नं २ को वडा अध्यक्षको निर्वाचनमा खट्नुभएको छ । उहाँँ उम्मेदवारको मनोनयनपत्र दाखिला गर्ने दिन पनि साही वडामा सक्रिय रहनुभएको थियो । सो वडाको निर्वाचनमा विभागका सदस्य अर्जुन थापा पनि सक्रिय रुपले खट्नुभएको छ ।
